ncd

ncd

Thursday, June 25, 2009

Ms. Bicolandia and Beer Plaza No More?

I heard the news this morning sa NX na immove ang Ms. Bicolandia, Beer Plaza at any "fun" activities not religious in nature. So here's the news po from Bombo Radyo Philippines.

Ms. Bicolandia Beauty Pageant, hahalion na sa Peñafrancia Festival

6/25/2009 8:48:21 AM

NAGA CITY - Dagod-dagos nang pighali kan mga otoridad kan simbahan asin kan lokal na gobyerno kan siyudad an Ms. Bicolandia Beauty Pageant sa masunod na pagkokomemorar kan Tercentenario kan debosyon ki Inang Peñafrancia.

Napagkasararuan ninda Arsobispo Leonardo Legaspi kan Archdiocese kan Caceres asin ni Mayor Jesse Robredo na halion na sana an naunambitan na aktibidad tanganing tawan doon an mga relihiyosong gibo asin an iba pang mga programa sa laog kan okasyon.

Basado sa pigpadarang impormasyon sa Bombo Radyo Naga, popoonan ini kan Traslacion sa Setyembre 11 mantang tatawanan pa nin doon an mga aldaw nin pamibi o an novena ki Inang Peñafrancia.

Kasumpay kaini, magkakaigwa naman nin prosisyon na Perdon sa Setyembre 16 na dai man dating pigsasagibo durante kan okasyon kan mga nakalihis na taon.

Miyentrastanto, isasagibo man an Voyadores Festival sa Setyembre 17 mantang pigbugtak man an Military Parade sa Setyembre 18.

Katakod kan mga pagbabago na ini, dai naman tutugutan kan siyudad an pagkukundusir nin mga beer plaza asin mga street party sa Naga durante kan Peñafrancia Festival nin huli ta dai suboot ini angay sa relihiyosong okasyon.

Source: http://bomboradyo.com/newsdetails1.asp?ID=93984

0 comments:

Post a Comment