| 1/22/2010 11:02:23 AM |
NAGA CITY - Bisita ngonian kan siyudad an CNN hero na si Efren Peñaflorida ngani na padagos na tawan ning inspirasyon an mga aking yaon sa tinampo o ining street children. Ini kasabay man sa paglalansar niya kan saiyang Edukasyon sa Kariton Program. Siya pigsabat ninda alkalde Jess Robredo ,iba pang city officials asin pirang mga street children. Sa ngonian yaon ini sa Naga Cathedral para sa sarong bana na misang pig preparar kan lokal na gobyerno. Mientrastanto, naging sibot man an opisina kan City Social Welfare and Development sa pagpurot sa mga street children asin tulos ining pigpakakan,pigkararigusan asin pigbulusan ning maray ngani na maging magayun man an hitsura sa paghampang ki Peñaflorida. Nakatalaan man ining maghampang sa mga local media para sa saro man na press conference na gigibohon sa sarong hotel asin piglalaoman na makakatao pa ning pirang importanteng mensahe orog na sa prohekto niya sa edukasyon. Dae man kaibahan kan soltero an saiyang pig iilusyonang actress na si Angel Locsin na enot naman na napabaretang kaibahan niya digde sa Naga City. |
