• 5 FoodStops on the Way to Albay

  • 7 Fun Things about the Ford EcoSport Titanium Black Ed

    Calagaus Island Escapade

  • Travel Guide to Calaguas Islands

.

Wednesday, August 7, 2013

Sa Maogmang Lugar Song


Sa Maogmang Lugar 
Original Composition ni Ven at Glenn ng Paradomah

Dawa sisay na Nagueno makaka relate sa kantang ini, lalo na si mga haloy ng dai nakaka uli sa Maogmang Lugar. Magayon sa pagmati na may mga kapwa kitang Nagueno na nagtatao ning oras para makagibo ning arog kaning kagayon na kanta. Nakakapungaw pero nakakatabang puso, kaya para sa mga tugang tang nasa hararayo na lugar, sana makauli kamo digdi sa ciudad ta. Ma fiesta na pati!

This is definitely worth sharing to all our fellow Naguenos and Bicolanos. Dios Mabalos sa saindong musiko Ven and Glenn!



LYRICS:

Uminagi na an pirang taon saka nakaisip na magpuli samu
Anu na daw kayang itsura mo ti baad dae taka na mabisto

Napupungaw sana, naguiguirumduman taka
Walong oras na lang

Mahaduk kay Ina (sa basilica)
Malakaw lakaw sa plaza (sa plaza miranda)
Maderecho sa harung (magurang kukugusun)
Ang panira kakamutun (balaw saka natong)

Gabus ko ni gigibuhun Pag abut
sa maogmang lugar

Hurup hurup ko kung anu na daw mga kabarkadang maoragon kaibanan (kainuman)
pusngak digdi, pusngak duman ang ribuk abot na sa balyung kudal

Napupungaw sana, naguiguirumduman taka
Walong oras na lang


Maaluk ning kaibanan (ta may duidumanan)
Ma- kinalas saka turon (sa dayangdang)
Malakaw para mahiranan (pamagsaysay)
Buong tropa aapudan (ta Matarambay)

Gabus ko ni gigibuhun, oorootrohun, susulitun
Pagkakaniguun ang oras pag abut sa maogmang lugar

Napupungaw sana, naguiguirumduman taka
Walong oras na lang

Mapasyar ako sa centro (dawa arasahas)
Makakan pancit bato (sa bayawas)
Tapos mabakal ako (nin pinangat)
Mahapit pa sa san francisco (mapasalamat)

Kakaibang kaugmahan, dakul ka pang pasyaran, masiramun na kakanan, may stoplight naman
maharang na sumsuman, sararo pa na banwaan,
sabi nani ni Sir Jessie kaiyan
"digdi na! sa Maogmang lugar"

sa maogmang lugar, ano pang hahanapun mo
madja na digdi sa maogmang lugar...

0 comments:

Post a Comment